ថ្នាក់ដឹកនាំក្រុម Dortmund បានចេញមកបញ្ជាក់ថាខ្សែបម្រើប្រយុទ្ធស្លាប Sancho នឹងបន្ដលេងឱ្យក្រុមទៀតនៅរដូវកាលក្រោយ បន្ទាប់ពីការចរចាគ្នារបស់ Man Utd មិនដល់អ្វីដែលក្លឹបចង់បាន។
Ole Gunnar Solskjaer អ្នកចាត់ការក្រុម Man Utd បានព្យាយាមទាក់ទងដើម្បីទិញយក Sancho មករួមក្រុមនៅរដូវកាលដោះដូរកីឡាករនេះ ប៉ុន្តែមិនអាចសម្រេចទៅបានដោយសារតែតម្លៃខ្លួនរបស់គេខ្ពស់ពេកដល់ជាង១០០លានផោនឯណោះ។ ការមិនសម្រេចនេះហើយ ទើបធ្វើឱ្យកីឡាករវ័យក្មេងរបស់អង់គ្លេសនេះ បន្ដទៅហ្វឹកហាត់ជាមួយក្រុម Dortmund វិញជាធម្មតា។
ស្របពេលបច្ចុប្បន្ននេះ លោក Michael Zorc ថ្នាក់ដឹកនាំរបស់ក្រុម Dortmund បានចេញមុខមកបញ្ជាក់ច្បាស់ហើយថា Sancho នឹងមិនចាកចេញទៅណាទេ។ រូបគេនឹងបន្ដជួយក្រុមទៀតនៅរដូវកាលក្រោយនេះ។ វាជាការសម្រេចចិត្តចុងក្រោយហើយ៕ប្រភព Dailymail