កីឡាករអន្តរជាតិម៉ិកស៊ិក Miguel Layun បានការពារប្រធានក្រុមអាហ្សង់ទីន Lionel Messi បន្ទាប់ពីសកម្មភាពថ្មីៗនេះរបស់គាត់បានទទួលរងការរិះគន់ពីអ្នកប្រដាល់ម៉ិកស៊ិក Canelo Alvarez។
អាហ្សង់ទីបានទទួលជ័យជម្នះ ២-០ លើម៉ិកស៊ិកក្នុងការប្រកួត FIFA World Cup លើកទីពីររបស់ពួកគេក្នុងយុទ្ធនាការនេះកាលពីថ្ងៃសៅរ៍ទី២៦ ខែវិច្ឆិកា។ Lionel Messi បានស៊ុតបញ្ចូលទីបានមួយគ្រាប់ ក៏ដូចជាបញ្ជូនបាល់ឱ្យកីឡាករ Enzo Fernandez រកគ្រាប់បាល់ទីពីរផងដែរ។
ក្រោយការជួបគ្នា កីឡាករទាំងនោះមានភាពសប្បាយរីករាយ ដោយពួកគេអបអរក្នុងបន្ទប់ផ្លាស់សំលៀកបំពាក់។ វីដេអូនៃការអបអរទាំងនេះបានរីករាលដាលយ៉ាងខ្លាំង ជាពិសេសកន្លែងដែល Lionel Messi ទាត់អាវម៉ិកស៊ិកនៅលើកម្រាលឥដ្ឋដែលគាត់ទទួលបានពីការប្តូរអាវជាមួយកីឡាករមុិកសុិក។
នេះបានធ្វើឲ្យ Canelo Alvarez ដែលជាអ្នកប្រដាល់ជើងឯកពិភពលោកមានការខឹងសម្បារ Lionel Messi ថាប្រធានក្រុមអាហ្សង់ទីនមិនគោរពប្រទេសកំណើតរបស់គាត់ ហើយថែមទាំងគម្រាមកុំឲ្យគាត់ជួបនៅក្រៅទៀតផង។
ទោះជាយ៉ាងណាក៏ដោយ Layun ដែលលេងជាខ្សែការពារស្តាំនៅក្លឹប Liga MX របស់ក្លឹបអាមេរិក បានពន្យល់ទៅកាន់មិត្តរួមជាតិរបស់គាត់អំពីរបៀបដែលការអបអរនៅក្នុងបន្ទប់ផ្លាស់សំលៀកពាក់ដំណើរការនៅក្នុងបាល់ទាត់។ កីឡាករអន្តរជាតិម៉ិកស៊ិករូបនេះបានសរសេរនៅលើ Twitter ថា៖
“បងប្រុស អ្នកតែងតែការពារប្រទេសម៉ិកស៊ិកដូចអ្នកមួយចំនួនទៀតដែរ អ្នកបានធ្វើឱ្យពួកយើងរាប់លាននាក់មានអារម្មណ៍មោទកភាពណាស់។ ខ្ញុំចង់ចែករំលែកគំនិតរបស់ខ្ញុំបន្តិចទៅលើបញ្ហានេះ។ យើងទុកអាវនៅលើកម្រាលឥដ្ឋ ព្រោះវាមានញើស ហើយពួកគេតែងតែយកពួកគេទៅបោកគក់មុនពេលយកវាទៅទុក គាត់គ្រាន់តែដោះស្បែកជើងរបស់គាត់ ហើយវាប៉ះអាវនោះតែប៉ុណ្ណោះ” ៕
ប្រភព៖ Sportskeeda