បើទោះជាសល់៣ប្រកួតក្នុងដៃមែន ប៉ុន្តែ Lewis Hamilton មានកីឡាករមានភាគរយខ្ពស់បំផុតក្នុងការឈ្នះពានរង្វាន់ Formula 1 World Championship ឆ្នាំ២០១៨នេះ។
Hamilton នឹងចូលប្រកួតដណ្ដើមពិន្ទុនៅព្រឹត្តិការណ៍ Mexican Grand Prix នាថ្ងៃអាទិត្យនេះ។ វានៅសល់តែ៣ប្រកួតទៀតប៉ុណ្ណោះ ហើយបច្ចុប្បន្ននេះ Hamilton បានឈ្នះពិន្ទុកីឡាករឈរនៅចំណាត់ថ្នាក់លេខ២ Vettel ដល់ទៅ៧០ពិន្ទុទៅហើយ។ ស្របពេល១ប្រកួតមាន២៥ពិន្ទុ ដូច្នេះ Hamilton ត្រូវការតែ៥ពិន្ទុទៀតទេ ពី៣ប្រកួតនៅសល់ ដើម្បីបានក្លាយជាម្ចាស់ពានរង្វាន់ Formula 1 World Championship តែម្ដង។
ដូច្នេះហើយ ការប្រកួតនៅនៅថ្ងៃអាទិត្យនេះ Hamilton ត្រូវការចំណាត់ថ្នាក់ត្រឹមលេខ៧ ក៏រូបគេនឹងក្លាយជាម្ចាស់ពានរង្វាន់បាត់ទៅហើយ ព្រោះលេខ៧ក្នុងការប្រកួត ទទួលបានដល់៦ពិន្ទុឯណោះ។ សម្រាប់ពិន្ទុបច្ចុប្បន្ននេះវិញ Hamilton មាន៣៤៦ ឈរលេខ១ Vettel ឈរលេខ២មាន២៧៦ពិន្ទុ និង Raikkonen ឈរលេខ៣ មាន២២១ពិន្ទុ៕ប្រភពDailyMail
