ក្លឹប Real Madrid នឹងត្រូវចូលជួបក្លឹបម្ចាស់ដី Stamford Bridge គឺ Chelsea នៅវេលាម៉ោង ០២:០០ នាទីទាបភ្លឺ ឈានចូលថ្ងៃព្រហស្បតិ៍ ទី ៧ មេសា ជាជំនួបជើងទី ១ វគ្គ ៨ ក្រុមចុងក្រោយ មានផ្សាយផ្ទាល់លើទំព័រ CTS Sports។ ការប្រកួតនេះ ក៏ជាឱកាសសម្រាប់ Thibaut Courtois ក្នុងការវិលត្រលប់ទៅកាន់កីឡដ្ឋានចាស់ ដែលខ្លួនធ្លាប់រួមជើងអស់ជាច្រើនឆ្នាំ។
និយាយមុនការប្រកួត Courtois ដែលជាចំណែកធ្លាប់បរាជ័យក្រោមថ្វីជើង Chelsea កាលពី UCL វគ្គ ៤ ក្រុមរដូវកាលមុន ក៏បានសង្កត់ធ្ងន់មុនការប្រកួតថា លោកសង្ឃឹមនឹងមិនទទួលបានសំឡេងស្រែកចំអក ឬរំខានពីអ្នកគាំទ្រនៅឯទឹកដីអង់គ្លេសទៅចុះ។
Courtois ប្រាប់គេហទំព័រផ្លូវការក្លឹប Real Madrid បែបនេះ៖ “ខ្ញុំសង្ឃឹមថា ពួកគេនឹងមិនស្រែកចំអកខ្ញុំទៅចុះ ដោយខ្ញុំក៏អត់រំពឹងចង់បានសំឡេងសាទរអ្វីពីពួកគេដែរ តែយ៉ាងណាអ្នកមិនអាចមើលដឹងជាចមុននោះទេ”។
លោកបន្ត៖ “ខ្ញុំរៀបចំខ្លួនរួចរាល់ នូវគ្រប់យ៉ាងដែលអាចកើតឡើង ហើយខ្ញុំរីករាយនឹងការវិលមក Stamford Bridge ជាថ្មី តែពេលនេះយើងជាគូប្រជេងនឹងគ្នា ដោយពួកគេចង់ឈ្នះ រួចខ្ញុំក៏ចង់ឈ្នះដូចគ្នា”៕ ប្រភព៖ Marca