អ្នកចាត់ការលោក Jurgen Klopp បាននិយាយចំៗថា អនាគតរបស់ Divock Origi ហាក់មិនប្រាកដប្រជាទេ នៅពេលខាងមុខ ពោលមានភាគរយអាចនឹងត្រូវចែកផ្លូវ ក្រោយបញ្ចប់រដូវកាល បន្ទាប់ពីបាត់បង់ពេលវេលាបង្ហាញខ្លួនជាប់លាប់លើទីលាន។
អ្នកចាត់ការសញ្ជាតិអាល្លឺម៉ង់ ក៏ពិបាកនឹងសម្រេចចិត្តដែរ ព្រោះអីតំបន់ប្រយុទ្ធសុទ្ធតែជាកីឡាករល្អៗ គ្រាន់ថាជាក់ស្តែងបើយើងមើលពេលចុងក្រោយ គឺរមែងមានតែ Roberto Firmino, Mohamed Salah, Sadio Mane, Diogo Jota និង Luis Diaz តែប៉ុណ្ណោះ ដែលទទួលបានឱកាស។
ប្រាប់ទៅ Sky Sports លោក Klopp និយាយ៖ “វាពិតជារឿងដ៏ពិបាកសម្រាប់ខ្ញុំ ក៏ដូចជាសម្រាប់ Origi ហើយកើតឡើងដូចគ្នាទៅលើ Taki Minamino ដោយកីឡាករខ្លះ ខ្ញុំយល់ថាពួកគេមិនបានលេងជាប់លាប់ ដូច្នេះហើយយើងមានតែរង់ចាំមើលនៅដំណោះស្រាយនារដូវក្តៅខាងមុខ គឺមានតែចាំស្វែងរកដំណោះស្រាយប៉ុណ្ណឹងឯង”។ បញ្ជាក់ថា កីឡាករបែលហ្សិក សេសសល់សុពលភាពកុងត្រាដល់ចុងខែមិថុនា ឆ្នាំ ២០២២ ដូច្នេះគ្មានសង្ឃឹមនឹងអាចសម្រេចការបន្តកុងត្រាថ្មីទៅរួចឡើយ៕
ប្រភព៖ Goal