ក្លឹបកាំភ្លើងធំំ Arsenal ត្រូវបានគេរាយការណ៍ថា កំពុងចាប់អារម្មណ៍លើអ្នកចាំទីនៅក្លឹប Ajax គឺ Andre Onana នៅទីផ្សារដោះដូរនាពេលខាងមុខ។
បុរសវ័យ ២៥ ឆ្នាំ ធ្លាប់ជាអតីតកីឡាកររបស់ Barcelona នៅឈុតយុវជន តែបច្ចុប្បន្នបានខកខានការឈរជើងលើទីលាន នូវបម្រាមរយៈពេល ១២ ខែ ក្រោយរងការពិន័យពី UEFA ហើយគេនឹងអាចចូលរួមលេងបានវិញនៅខែកុម្ភៈ ឆ្នាំក្រោយឯណោះ។
យ៉ាងណាក្រុមនៅអង់គ្លេសជឿថា ការនាំយក Onana គឺជាការចរចាដ៏ល្អមួយ ដើម្បីមកជំនួសតំណែង Emiliano Martinez ដែលបានចាកចេញទៅចូលរួមនៅ Aston Villa កាលពីរដូវកាលមុន។ ដោយតាមពិតទៅទាំងអ្នកចាត់ការលោក Mikel Arteta និងប្រធានចាត់ការផ្នែកកីឡាលោក Edu សុទ្ធតែចាប់អារម្មណ៍លើកីឡាករកាមេរ៉ូនខាងលើដូចគ្នា។
បញ្ជាក់ដែរថា Onana អាចមានតម្លៃខ្លួន ៧ លានផោន ហើយកុងត្រារបស់គេត្រូវផុតនៅចុងខែមិថុនា ឆ្នាំ ២០២២។ គេបង្ហាញខ្លួនឲ្យ Ajax សរុប ២០៤ ប្រកួត ដោយរបូត ១៨០ គ្រាប់និងសង្គ្រោះបាល់ Clean Sheet ចំនួន ៨៣ លើក៕
ប្រភព៖ Sportsmole