ក្រុម Leicester City បានបាត់២ពិន្ទុទៅហើយនៅយប់មិញនេះ ក្រោយពីលេងបានត្រឹមស្មើជាមួយក្រុម Southampton ក្នុងលទ្ធផល ១-១ ប៉ុណ្ណោះសម្រាប់ការប្រកួត Premier League នៅយប់មិញ។
ក្រុមម្ចាស់ផ្ទះ Southampton មានកីឡាករកាតក្រហមតាំងពីនាទីទី១០ដើមតង់ទី១ ប៉ុន្តែពួកគេនៅតែធ្វើបានល្អ។ ដោយឈានដល់នាទី៦១ ក្រុមមួយនេះបានរកបានគ្រាប់បាល់នាំមុខមុនទៀត ដោយ James ទាត់ប៉េណាល់ទី។ ដល់នាទី៦៨ ក៏ស្រាប់តែ Jonny Evans រកបានគ្រាប់បាល់ឱ្យ Leicester City បានស្មើវិញ។ ការប្រកួតមិនមានអ្វីប្រែប្រួលទៀតនោះទេ ពោលគឺបញ្ចប់ត្រឹមលទ្ធផល ១-១។
ការបាត់២ពិន្ទុនេះ ធ្វើឱ្យ Leicester City នៅតែកក់ក្ដៅសម្រាប់កៅអី UEFA Champions League ពោលគឺពេលនេះនៅលេខ៣ មាន៦៣ពិន្ទុ ឆ្លងកាត់៣៤ប្រកួត។ ក្រុម Chelsea នៅលេខ៤ លេង៣៣ប្រកួតមាន៥៨ពិន្ទុ និងក្រុម West Ham លេខ៣ មាន៥៥ពិន្ទុ៕ប្រភព Dailymail
