អតីតខ្សែប្រយុទ្ធរបស់ក្លឹប Atletico Madrid និងជាកីឡាករកំពុងទំនេរជើង Diego Costa បាននឹងកំពុងស្ថិតក្រោមការចរចាជាមួយក្លឹបនៅព័រទុយហ្គាល់ Benfica ដែលពួកគេផ្តល់កុងត្រាសម្រាប់កីឡាករអេស្ប៉ាញរយៈពេល ២ ឆ្នាំ។
បុរសវ័យ ៣២ ឆ្នាំ ដែលទើបតែផ្តាច់កុងត្រាជាមួយ Atletico កាលពីខែធ្នូ បានទំនេរជើងមិនទាន់មានក្លឹបលេងជាង ៣ ខែមកហើយ ដោយតាមរបាយការណ៍ពី Goal ចុះផ្សាយថា អ្នកតំណាងរបស់ Costa បានកំពុងចរចាជាមួយ Benfica ដោយក្លឹបនោះផ្តល់ឲ្យ Costa ៥ លានផោនជាថ្លៃពលកម្មរយៈពេល ២ ឆ្នាំ និងថ្លៃឧបត្ថម្ភផ្សេងទៀត ២,៦ លានផោន។
បញ្ជាក់ថា Costa ក៏ធ្លាប់លេចលឺថា អាចនឹងផ្ទេរទៅក្លឹប Man City, Tottenham Hotspur ឬ West Ham United កាលពីប៉ុន្មានខែមុនផងដែរ ប៉ុន្តែភាគរយច្រើនអាចជាក្លឹបក្រៅលីគកំពូលអង់គ្លេសច្រើនជាង បើមិន Benfica នេះទេ គឺអាចជាក្លឹបនៅប្រេស៊ីលរួមមាន Palmeiras ឬ Sao Paulo៕
ប្រភព៖ Sportsmole