អតីតជើងចាស់នៅក្លឹប Arsenal បានទម្លាយកាលពីពេលថ្មីៗនេះថា ទៅថ្ងៃខាងមុខប្រសិនជាអាចនោះលោកចង់ក្លាយជាអ្នកចាត់ការនៅក្លឹបកាំភ្លើងធំ Arsenal ឬក្លឹបអ្នកមានបុណ្យ Barcelona។
Henry កាលគេជាកីឡាករ ធ្លាប់បានចាយពេលនៅ Arsenal ជាប់ឈ្មោះជា Top Scorer ក្នុងប្រវត្តិសាស្ត្រក្លឹប ហើយនៅលីគដទៃមានដូចជារួមជើងនៅ Barcelona, Monaco និងក្លឹប New York Red Bulls។
ក្រោយព្យួរស្បែកជើងពីអាជីពជាកីឡាករ Henry ក៏បានចាយពេល ២ ឆ្នាំនាមជាជំនួយការគ្រូបង្វឹកនៅក្រុមជម្រើសជាតិបែលហ្សិក មុនផ្ទេរមកដឹកនាំក្លឹប Monaco និង Montreal Impact ហើយទើបតែចុះចេញពីតំណែងកាលពីខែមុន។
ប្រាប់ FourFourTwo លោក Henry និយាយ៖ “ខ្ញុំជាអ្នកគាំទ្ររបស់ Arsenal ហើយពិតជាចង់ដឹកនាំក្លឹប Arsenal ឬ Barcelona តែបើនិយាយដល់ការទៅលេងនៅទីនោះ គឺចង់ហើយ តែវាមិនអាចក្លាយជាការពិតទេ”៕
ប្រភព៖ Metro