នៅការប្រកួតជុំទី ២៨ កាលពីយប់មិញក្រុមតោខៀវ Chelsea បានយកឈ្នះក្រុមស្ករគ្រាប់ Everton ដោយលទ្ធផល ២-០។ ៣ ពិន្ទុដែលទទួលបានរុញឲ្យ Chelsea មាន ៥០ ពិន្ទុ នៅចាញ់ Leicester ជាក្រុមលេខ ៣ តែ ៣ ពិន្ទុប៉ុណ្ណោះ ខណៈ Everton ឈរលេខ ៦ មាន ៤៦ ពិន្ទុ។
ទៅមើលស្ថិតិប្រកួតកាលពីយប់មិញបន្តិច ខាងក្រុមម្ចាស់ផ្ទះគ្រប់គ្រងបាល់ដល់ទៅ ៦៦ ភាគរយ នៅការបញ្ជូនបាល់ចេញពីជើង ៧១៣ លើក អមដោយអត្រាបញ្ជូនបាល់ជោគជ័យ ៨៩ ភាគរយ។ ពួកគេស៊ុតសរុប ១៩ លើក ចំគោលដៅ ៩ លើក ខណៈដែលក្រុមភ្ញៀវស៊ុតបានតែ ៧ លើក ចំគោលដៅ ១ លើកគត់នៅការគ្រប់គ្រងបាល់ ៣៤ ភាគរយ។
គ្រាប់បាល់ដំបូងកើតឡើងដោយការភ្លាត់របស់ខ្សែការពារ Ben Godfrey នៅនាទី ៣១ នាំឲ្យ Chelsea ឱកាសនាំមុខមុន ១-០ ហើយរហូតដល់តង់ទីពីរនាទី ៦៥ ទើប Jorginho បន្ថែមគ្រាប់បាល់ទី ២ តាមរយៈការស៊ុតបាល់ប៉េណាល់ទី និងរក្សាលទ្ធផលដល់បញ្ចប់ការប្រកួត៕
ទស្សនាវីដេអូខាងក្រោម៖