ក្រុមហង្សក្រហម Liverpool បានបរាជ័យក្រោមថ្វីជើងក្រុម Everton ក្នុងលទ្ធផល ២-០ សម្រាប់ការប្រកួតសន្សំពិន្ទុពានរង្វាន់ English Premier League នៅយប់មិញនេះ។
មិនត្រឹមតែបន្ដការបរាជ័យក្នុងលីគនោះទេ ក្រុម Liverpool ថែមទាំងមានកីឡាករសំខាន់ម្នាក់រងរបួសថែមទៀត។ ប្រធានក្រុម Henderson ត្រូវបានប្ដូរចេញនៅនាទី២៩ប៉ុណ្ណោះ ក្រោយពីមានបញ្ហាសាច់ដុំ ដោយជំនួសវិញ Nat Philips ។ គេមិនទាន់ពិនិត្យច្បាស់នោះទេថាប្រធានក្រុមរូបនេះនឹងត្រូវអវត្តមានប៉ុន្មានសប្ដាហ៍នោះ ប៉ុន្តែវានឹងក្លាយជាកង្វល់បន្ថែមទៀតសម្រាប់ក្រុមហង្សក្រហម ដែលមានកីឡាកររបួសជាច្រើននាក់ស្រាប់ទៅហើយ។
រំលឹកថាក្រុម Liverpool នារដូវកាលនេះតាំងពីបើករដូវកាលមក មានកីឡាកររបួសច្រើនមែនទែន ជាពិសេសនៅតំបន់ការពារតែម្ដង។ កីឡាករដែលលេងនៅតំបន់នេះ មិនថានរណានោះទេ សុទ្ធតែរបួសទាំងអស់៕
ប្រភព៖ DailyMail