អង់គ្លេស បានប្រកាសមិនឱ្យកីឡាកររត់ទៅឱបគ្នា ក្រោយពីរកគ្រាប់បាល់បាននោះទេ ដើម្បីជាការចូលរួមវិធានការការពារមេរោគកូវីដ១៩។
ដោយការដាក់ច្បាប់នេះឡើង បានធ្វើឱ្យលោក Klopp អ្នកចាត់ការក្រុម Liverpool មើលឃើញថាវានឹងក្លាយជារឿងមួយមិនស្រួលឡើយសម្រាប់កីឡាករ។ ខណៈដែលការរកគ្រាប់បាល់បាន ជាពិសេសប្រកួតសំខាន់ៗនោះ គឺពិតជាធ្វើឱ្យកីឡាករក្នុងក្រុមសប្បាយចិត្តខ្លាំងណាស់។ ការមិនឱ្យពួកគេរត់ទៅអបអរជាមួយគ្នា នឹងក្លាយទៅជារឿងពិបាកមើលទៅវិញទេ។
លោក Klopp បានបន្ថែមទៀតថាការធ្វើតេស្ដ១សប្ដាហ៍២ទៅ៣ដងគឺល្មមសម្រាប់ឱ្យកីឡាករមានទំនុកចិត្តនិងជឿជាក់ថាគ្មានមេរោគកូវីដ១៩ស្ថិតនៅចំណោមពួកគេហើយ។ តែបើទោះជាមានមតិផ្ទុយយ៉ាងណាក្ដី លោកក៏មិនបដិសេធធ្វើតាមគោលការណ៍របស់រដ្ឋាភិបាលអង់គ្លេសដាក់ចេញផងដែរ៕
ប្រភព៖ Goal