ក្រុម Real Madrid បានយកឈ្នះលើក្រុម Atletico Madrid ក្នុងលទ្ធផល ២-០ សម្រាប់ការប្រកួតពានរង្វាន់ La Liga នៅយប់មិញនេះ។
អធិរាជស លេងក្នុងដីខ្លួនឯងពិតជាធ្វើបានល្អមែនទែន។ ជាក់ស្ដែងនៅយប់មិញនេះ ពួកគេរកបានដល់ទៅ២គ្រាប់ទល់ក្រុមគូប្រជែងនិងកំពុងឈរនៅលេខ១ AT Madrid ។ ដោយ២គ្រាប់នោះកើតចេញពី Casemiro ១គ្រាប់ និងបាល់ចូលទីខ្លួនឯងរបស់ Oblak ១គ្រាប់។ ជ័យជម្នះនេះក៏បានធ្វើឱ្យក្រុម Real Madrid បន្ដប្រជែងកំពូលតារាងទៀតដែរ ដោយមិនសូវចាញ់ពិន្ទុច្រើនដូចមុនទេ។
សម្រាប់ក្រុម AT Madrid វិញ បើទោះជាចាញ់ក៏ពិតមែន ប៉ុន្តែពួកគេនៅតែឈរកំពូលតារាងដដែល។ ក្រុមរបស់លោក Simeone មាន២៦ពិន្ទុ ឆ្លងកាត់១១ប្រកួតមកនេះ ខណៈដែលក្រុម Real Madrid វិញ មាន២៣ពិន្ទុ ឆ្លងកាត់១២ប្រកួត៕ប្រភព Dailymail