ក្រុម Spurs បានយកឈ្នះលើក្រុមខ្លាំង Manchester City ក្នុងលទ្ធផល ២-០ និងបានឡើងកំពូលតារាង English Premier League បណ្ដោះអាសន្នហើយ។
គ្រាន់តែបើកការប្រកួតភ្លាម Son អាចរកគ្រាប់បាល់នាំមុខឱ្យក្រុមម្ចាស់ផ្ទះ១គ្រាប់ទៅហើយ នៅនាទីទី៥។ ខណៈដែល១គ្រាប់ទៀតធ្វើបានដោយ Celso នៅនាទី៦៥។ ក្រុម Man City ព្យាយាមវាយសម្រុកស្វែងរកគ្រាប់បាល់វិញដែរ ប៉ុន្តែមិនអាចកើតឡើងឡើយ ពោលគឺលទ្ធផលបញ្ចប់ទៅ ក្រុម Spurs ក្នុងលទ្ធផល ២-០ នេះឯង។
ជ័យជម្នះ៣ពិន្ទុបន្ថែមនេះ ធ្វើឱ្យក្រុមរបស់លោក Jose Mourinho ឡើងទៅដល់ចំណាត់ថ្នាក់លេខ១កំពូលតារាងបណ្ដោះអាសន្នសិនហើយ ស្របពេលក្រុម Man City វិញ ងើបមករួចពីចំណាត់ថ្នាក់ពាក់កណ្ដាលតារាងសោះ៕
ប្រភព៖ DailyMail