ក្រុម PSG នឹងត្រូវប្រកួតសងសឹកក្រុម Manchester United ក្នុងបានរង្វាន់ UEFA Champions League នៅរាត្រីនេះហើយ ក្រោយពីធ្លាប់ចាញ់ ៣-១ កាលពីពេលកន្លងទៅ។
មុនការប្រកួតនោះចាប់ផ្ដើម ខ្សែប្រយុទ្ធ Kylian Mbappe បានហៅកីឡាករ Marcus Rashford ថាជាខ្សែប្រយុទ្ធគ្រោះថ្នាក់ម្នាក់នៅអង់គ្លេស។ ខណៈដែលកីឡាករវ័យក្មេងរូបនេះហើយ ជាអ្នកស៊ុតបញ្ចូលទីនៅនាទី៩០+ យកឈ្នះលើក្រុម PSG បានកាលពីពេលកន្លងទៅនោះ។
Mbappe បាននិយាយថា៖ “Pogba បានប្រាប់ខ្ញុំជាច្រើនពីគាត់ គាត់ជាខ្សែប្រយុទ្ធគ្រោះថ្នាក់ម្នាក់នៅអង់គ្លេស។ គាត់នៅក្មេង ប៉ុន្តែជាកីឡាករមានទំនុកចិត្តម្នាក់ និងជឿជាក់លើខ្លួនឯងខ្ពស់។ តែយ៉ាងណាមិញ យើងក៏មានទំនុកចិត្តលើក្រុមយើង និងមានមហិច្ឆតាដើម្បីឈ្នះពានរង្វាន់នេះដែរ”៕
ប្រភព៖ DailyMail