Jamie Carragher វីរបុរសរបស់ក្រុម Liverpool កំពុងបង្ហាញក្ដីបារម្ភថាក្រុមការពារតំណែងជើងឯកនេះ នឹងពិបាកមិនខាន ដោយសារតែអវត្តមានខ្សែការពារឆ្នើម Van Dijk ។
Van Dijk នឹងត្រូវអវត្តមានពេញមួយរដូវកាលនេះ ដោយសាររបួសជង្គ ACL តម្រូវឱ្យមានការវះកាត់។ អវត្តមានកីឡាករសំខាន់នេះ នឹងធ្វើឱ្យ Liverpool ខ្សោយនៅតំបន់ការពារជាក់ជាមិនខាន ដែលតម្រូវឱ្យលោក Klopp ត្រូវទិញកីឡាករថ្មីថែមនៅខែមករាខាងមុខនេះ។
ជាមួយគ្នានេះដែរ លោក Jamie Carragher ក៏មើលឃើញដូច្នេះដែរ។ លោកបញ្ជាក់ថា Liverpool នឹងពិបាកការពារតំណែងជើងឯករបស់ខ្លួន នៅពេលអវត្តមានខ្សែការពារសំខាន់ម្នាក់នេះ។ លោកបានបន្ថែមទៀតថា ក្រុម Liverpool ត្រូវទិញកីឡាករថ្មីម្នាក់មកជួយក្រុមទៀត ទើបអាចទប់ទល់ជាមួយក្រុមល្អៗនៅរដូវកាលនេះបាន៕
ប្រភព៖ DailyMail