ខ្សែប្រយុទ្ធ Lionel Messi បានចូលរួមហ្វឹកហាត់ជាមួយក្រុម FC Barcelona ជាធម្មតាវិញហើយ បន្ទាប់ពីការស្នើសុំចាកចេញរបស់គេមិនបានសម្រេច។
Messi ក្រោយពីចប់រដូវកាលមុនភ្លាម ក៏បានស្នើសុំក្លឹបដើម្បីចាកចេញ ប៉ុន្តែលទ្ធផលចុងក្រោយ រូបគេមិនអាចទៅណាបានឡើយ ព្រោះកុងត្រានៅសល់១ឆ្នាំទៀតនោះ ក្រុមអ្នកមានបុណ្យទាមទារដល់៧០០លានអឺរ៉ូឯណោះ។ ដោយសារតែគ្មានក្លឹបណាហានថ្លៃដល់នេះ រូបគេក៏សម្រេចចិត្តបន្ដលេងឱ្យក្រុមអ្នកមានបុណ្យទៀត ហើយកាលពីម្សិលមិញនេះក៏បានចូលរួមហ្វឹកហាត់ជាធម្មតាដែរ។
តែអ្នកជំនាញជាច្រើនយល់ឃើញថាត្បិតតែ Messi បន្ដនៅមែន ប៉ុន្តែរូបគេទំនងជាមិនសប្បាយចិត្តជាមួយថ្នាក់ដឹកនាំក្លឹបទៀតឡើយ។ ជាពិសេសប្រធានក្លឹប Barcelona បច្ចុប្បន្ននេះតែម្ដង៕ប្រភព Skysports
