ក្រុម Fulham បានយកឈ្នះលើក្រុម Brentford ក្នុងលទ្ធផល ២-១ ក្នុងការប្រកួត Play-off ចុងក្រោយនៅយប់មិញនេះ ទទួលបានឱកាសឡើងទៅលេងនៅ Premier League ។
លេងពេញ៩០នាទី ក្រុមទាំងសងខាងមិនមានគ្រាប់បាល់កើតឡើងទាល់តែសោះ ដោយត្រូវរង់ចាំដល់ម៉ោងបន្ថែមទៀត។ ចូលដល់ម៉ោងបន្ថែមភ្លាម Bryan ក៏រកបានគ្រាប់បាល់២គ្រាប់នៅនាទី១០៥និង១១៧ ឱ្យក្រុម Fulham ស្របពេល១គ្រាប់របស់ក្រុម Brentford វិញធ្វើបានដោយ Dalsgaard នៅនាទី១២០+៤។ ចប់ការប្រកួត Fulham បានកៅអីឡើងទៅលេងនៅ Premier League ឡើងវិញហើយ។
ដូច្នេះសម្រាប់ក្រុម៣ដែលឡើងពីក្របខណ្ឌ Championship មកនោះ រួមមាន Leeds United, West Brom និង Fulham នេះឯង។ ពួកគេនឹងមានវត្ដមាននៅ Premier League រដូវកាលក្រោយ៕ប្រភព Dailymail