បរាជ័យលើកចុងក្រោយបង្អស់របស់ក្លឹប Man Utd គឺចាញ់ក្លឹប Burnley កាលពីថ្ងៃទី ២២ មករា នៅលទ្ធផល ២-០ ដែលកាលនោះក៏បានធ្វើឲ្យកៅអីរបស់ Ole ហាក់មិននឹងនផងដែរ។
ប៉ុន្តែរយៈពេលចុងក្រោយនេះ រាប់ទាំងការប្រកួតក្នុង/ក្រៅលីគ គឺ United បានទទួលលទ្ធផលស្មើនិងឈ្នះជាបន្តបន្ទាប់ចំនួន ១៦ ប្រកួតហើយ ពោលមិនទាន់ស្គាល់បរាជ័យនៅឡើយ។ ទាំង ១៦ ប្រកួតនោះគឺមានកីឡាករតែម្នាក់គត់ដែលរមែងលេចវត្តមាននៅជម្រើសដំបូងរហូតមក នោះគឺ Luke Shaw។
ភាគច្រើននៃការប្រកួតទាំងអស់គឺ Shaw លេងនៅតំណែងការពារស្លាបឆ្វេង ឬជួនកាលប្រកួតខ្លះបានរំកិលមកលេងនៅតំណែងបម្រើស្លាប ប៉ុន្តែគឺកម្របំផុត។ Shaw បានក្លាយជាស្នូលដ៏សំខាន់មួយរបស់ Man Utd ដោយជាចំណែកជួយឲ្យក្រុមឆ្ពោះមកដល់វគ្គ ៤ ក្រុមចុងក្រោយ FA Cup និងកំពុងក្តោបក្តាប់ឱកាសរក្សាកៅអីលេង UCL រដូវកាលក្រោយទៀតផង៕ ប្រភព៖ SportBible