ប្រធានក្លឹប Fiorentina លោក Rocco Commisso បាននិយាយលើកទឹកចិត្តនិងពាក្យជំរុញប៉ុន្មានម៉ាត់ៗភ្លាមទៅកាន់ Franck Ribery ក្រោយជួបហេតុការណ៍ចោរលួចគាស់ផ្ទះលួចបានរបស់របរមានតម្លៃមួយចំនួន។
លោក Commisso បាននិយាយក្រោយពេលដែល Ribery ហាក់មានចិត្តលែងនឹងនក្នុងការបន្តឈរជើងនៅប្រទេសអ៊ីតាលី ក្រោយបារម្ភខ្លាំងពីសុវត្ថិភាពរបស់ភរិយានិងកូនៗ ខណៈដែលកាលរស់នៅអាល្លឺម៉ង់លោកមិនធ្លាប់ជួបរឿងបែបនេះផងនោះ។
និយាយប្រាប់គេហទំព័រផ្លូវការក្លឹប លោក Commisso មានប្រសាសន៍ថា៖ “ខ្ញុំពិតជាសោកស្ដាយនិងភ្ញាក់ផ្អើលជាខ្លាំង ចំពោះរឿងដែលបានកើតឡើងសម្រាប់ Franck Ribery កាលពីយប់ថ្ងៃអាទិត្យ ដោយយើងចង់ផ្ញើការគាំទ្រពេញទំហឹងសម្រាប់ Franck និងក្រុមគ្រួសារ ដោយក្រៅពីការខាតបង់ហិរញ្ញវត្ថុ ក៏សោកស្តាយចំពោះការបាត់បង់នូវរបស់របរខ្លះដែលមិនអាចយកអ្វីមកជំនួសបាន”។
លោកសង្កត់ធ្ងន់៖ “អ្វីដែលសំខាន់ អ្នកប្រហែលជាបាត់បង់នូវអារម្មណ៍នៃភាពមានសុវត្ថិភាព ពេលអ្នកចាកចេញពីផ្ទះ ពីប្រពន្ធកូនហើយ តែយើងនឹងធ្វើគ្រប់យ៉ាងដើម្បីជួយឲ្យអារម្មណ៍របស់ Franck ត្រលប់មកដូចដើមវិញ និងឆ្លងកាត់ពេលលំបាកនេះជាមួយគ្នា”៕
ប្រភព៖ AF