លោក Arteta មើលឃើញថាទម្រង់លេងរបស់ក្រុម Arsenal ដែលលេងដោយគ្មានអ្នកគាំទ្រ មានភាពប្រសើរជាងលេងដោយមានអ្នកគាំទ្រមកគាំទ្រពេញកីឡដ្ឋានទៅទៀត។
ក្រុមកាំភ្លើងធំ Arsenal នឹងត្រូវប្រកួតជាមួយក្រុម Leicester City នៅម៉ោង២:១៥នាទីរំលងអាធ្រាត្រនេះ ក្នុងការប្រកួតពានរង្វាន់ Premier League សប្ដាហ៍ទី៣៤។ ដោយការប្រកួតនៅរាត្រីនេះដែរ ប្រសិនបើក្រុមកាំភ្លើងធំ បន្ដធ្វើបានល្អទៀត នោះពួកគេហក់ឡើងកៀកនឹងតំបន់ប្រជែងកៅអី Champions League នារដូវកាលក្រោយហើយ។
លោក Arteta អ្នកចាត់ការក្រុម Arsenal បានមើលឃើញថាកូនក្រុមរបស់ខ្លួន ហាក់ដូចជាលេងដោយមានទំនុកចិត្តខ្ពស់នៅប៉ុន្មានប្រកួតមកនេះ ពោលគឺតាំងពីបើករដូវកាលដោយគ្មានអ្នកគាំទ្រចូលទស្សនា។ ដូច្នេះហើយ លោករំពឹងថាការប្រកួតនៅរាត្រីនេះ នឹងបន្ដធ្វើបានល្អទៀត ព្រោះ៤ប្រកួតជាប់គ្នាមកនេះ ពួកគេទទួលបានជ័យជម្នះជាប់៕ប្រភព Dailymail