Barcelona កំពុងល្ហិចល្ហៀងថាចង់ដាក់សំណើនៃការផ្តល់ជូន Antoine Griezmann បន្ថែមនឹង Philippe Coutinho ដើម្បីដោះដូរស្មើនាំយក Neymar Jr ចេញពីក្លឹបបារាំង Paris Saint-Germain។ នេះបើតាមរបាយការណ៍ពី Deportes Cuatro បានចុះផ្សាយ។
ប្រភពបានឲ្យដឹងថា ដោយមើលពីកង្វះខាតនៃផ្នែកហិរញ្ញវត្ថុ ក្លឹបអេស្ប៉ាញបានប្តូរពីការប្រើប្រាស់លុយសុទ្ធ ទៅជាការដាក់សំណើកីឡាករសំខាន់ ២ រូប ដើម្បីប្តូរយក Neymar ត្រលប់មកវិញ។
បញ្ជាក់ថាទាំង Coutinho និង Griezmann ដែលជាកីឡាករតម្លៃថ្លៃរបស់ក្លឹប សុទ្ធសឹងមិនជាប់ឈ្មោះនៅតំណែងសំខាន់ ឬការដឹកនាំរបស់លោក Quique Setien ដដែល ដោយរយៈពេលចុងក្រោយកីឡាករបារាំងនិងគ្រូ ក៏ហាក់មានការប៉ះទង្គិចគ្នាខ្លះៗផងដែរ។
តាមហាងឆេងថ្លៃខ្លួនបច្ចុប្បន្ន Neymar ធ្លាក់មកសល់ត្រឹមជាង ១២៨ លានអឺរ៉ូប៉ុណ្ណោះ ដោយរដូវកាល ២០១៩/២០ រូបគេរកបាន ១៨ គ្រាប់និង Assist ១០ លើកឲ្យក្លឹប PSG៕
ប្រភព៖ BeSoccer