ក្រុមមេឃខៀវ Manchester City បានយកឈ្នះលើក្រុម Liverpool ក្នុងលទ្ធផលដល់ទៅ ៤-០ ឯណោះក្នុងការប្រកួត Premier League នៅយប់មិញនេះ។
ក្រុម Manchester City សម្រាប់ការប្រកួតនៅយប់មិញនេះ មិនមានបន្ធូរជើងអ្វីនោះទេ បើទោះជាការប្រកួតនេះមិនប្រជែងពានក៏ដោយ។ ចាប់តាំងពីនាទីដំបូងមក កីឡាករក្រុម Man City ទាំងអស់ចាប់ផ្ដើមសម្រុកខ្លាំង រហូតដល់ De Bruyne រកបាន១គ្រាប់នាំមុខនៅត្រឹមនាទី២៥ដោយបាល់ប៉េណាល់ទី។ ១០នាទីបន្ទាប់ទៀត Sterling ក៏ថែមបានគ្រាប់ទី២ ហើយនាទី៤៥ Foden ក៏ដាក់បានគ្រាប់ទី៣។
សម្រាប់គ្រាប់ទី៤វិញ ជាគ្រាប់បាល់ចូលទីខ្លួនឯងរបស់ Chamberlain នៅនាទី៦៦។ នេះជាបរាជ័យធ្ងន់មួយសម្រាប់ក្រុម Liverpool នៅរដូវកាលនេះ ហើយក៏ជាកំណត់ត្រាមិនល្អរបស់លោក Klopp នៅប៉ុន្មានប្រកួតចុងក្រោយនេះដែរ៕ប្រភព Dailymail
