Jurgen Klopp ដែលទើបដឹកនាំឲ្យហង្សឈ្នះពានរដូវកាល ២០១៩/២០ នេះ បានបង្ហាញការយល់ឃើញចំៗ ពាក់ព័ន្ធនឹងការចង់បានកីឡាករមួយរូបរបស់ Borussia Dortmund នោះគឺ Jadon Sancho។
តម្លៃខ្លួនរបស់ Sancho អាចថ្លៃចន្លោះពី ៩០ ទៅ ១០០ លានផោន ប៉ុន្តែយុវជនដែលជំនាញខាងរកគ្រាប់បាល់និង Assist រូបនេះ ត្រូវបានគេជឿថានឹងអាចនាំផលចំណេញច្រើនទៅថ្ងៃមុខសម្រាប់ក្លឹបដែលថ្ពក់យកគេចេញពី Dortmund បាន។
អ្នកចាត់ការឈ្នះពាន PL ត្រូវបានសារព័ត៌មាន Bild សួរនាំអំពីលទ្ធភាពក្នុងការនាំយក Sancho ហើយលោកបានប្រាប់៖ “អាវក្រហមគឺពិតជាសក្តិសមណាស់បើគ្រងលើខ្លួនរបស់ Jadon Sancho តែខ្ញុំមិនគិតថាការចរចាអាចធ្វើទៅបាននៅរដូវក្តៅនេះទេ”។
លោកបន្ថែម៖ “គេជាកីឡាករដ៏គួរឲ្យចាប់អារម្មណ៍បំផុតមួយ ប្រសិនគេផ្ទេរមក Liverpool នោះពិតជាធ្វើឲ្យខ្ញុំភ្ញាក់ផ្អើលខ្លាំងជាមិនខាន”៕
ប្រភព៖ Metro