លោក Pep Guardiola បង្ហើបថាចង់ឈ្នះពានរង្វាន់ FA Cup នៅពេលខាងមុខនេះ ដើម្បីជាកម្លាំងចិត្តសម្រាប់ក្រុមត្រៀមប្រកួតទល់ក្រុម Real Madrid ជើងទី២ ពានរង្វាន់ UEFA Champions League ។
នៅយប់មិញនេះ ក្រុម Manchester City បានយកឈ្នះលើក្រុម Newcastle United ក្នុងលទ្ធផល ២-០ ដើម្បីឡើងទៅវគ្គ៤ក្រុមចុងក្រោយពានរង្វាន់ FA Cup ។ ដោយវគ្គពាក់កណ្ដាលផ្ដាច់ព្រ័ត្រនេះដែរ ក្រុមរបស់លោក Pep ត្រូវតតាំងជាមួយក្រុម Arsenal នៅពាក់កណ្ដាលខែកក្កដាខាងមុខ ហើយប្រសិនបើពួកគេឈ្នះទៀត នឹងត្រូវប្រកួតផ្ដាច់ព្រ័ត្រនៅថ្ងៃទី១ខែសីហាឆ្នាំ២០២០។
សម្រាប់មតិរបស់លោក Pep បានអះអាងថាលោកចង់ឈ្នះពាន FA Cup នេះ។ ការឈ្នះពានរង្វាន់ FA Cup នឹងអាចជាកម្លាំងចិត្តសម្រាប់ក្រុមដើម្បីត្រៀមប្រកួតទល់ក្រុម Real Madrid ជើងទី២ វគ្គ១៦ក្រុមចុងក្រោយ UEFA Champions League ដែលគ្រោងធ្វើនៅពាក់កណ្ដាលខែសីហាឆ្នាំ២០២០ដែរ៕ប្រភព Dailymail