លោក Zidane អ្នកចាត់ការក្រុម Real Madrid ជឿជាក់ថាម្ចាស់ពានរង្វាន់ La Liga រដូវកាលនេះ នឹងរង់ចាំរហូតដល់ប្រកួតទី៣៨ទើបអាចដឹងច្បាស់បាន។
ក្រុម Real Madrid បានឡើងឈរកំពូលតារាង La Liga ហើយក្រោយពីពួកគេយកឈ្នះលើក្រុម Espanyol ក្នុងលទ្ធផល ១-០ នៅយប់មិញនេះ។ ជាមួយលទ្ធផលនេះដែរ ពួកគេនៅលេខ១នេះ គឺលើសពិន្ទុក្រុម Barcelona ២ពិន្ទុ ស្របពេលការប្រកួតនៅសល់៦ប្រកួតទៀត។
បើតាមការបញ្ជាក់របស់ Zidane អ្នកចាត់ការក្រុមអធិរាជស បញ្ជាក់ថានៅរដូវកាលនេះ ការប្រកួតប្រជែងពិតជាស្វិតស្វាញខ្លាំងមែនទែន។ Real Madrid នៅកំពូលតារាង ប៉ុន្តែមិនទាន់ច្បាស់ថានឹងឈ្នះពាននោះទេ។ ត្រូវរង់ចាំមើលរហូតដល់ប្រកួតសប្ដាហ៍ចុងក្រោយ ទើបអាចដឹងច្បាស់បានថា ក្រុមណាពិតជាម្ចាស់ពានរង្វាន់នៅរដូវកាលនេះ៕ប្រភព Marca