Napoli ជាក្រុមឡើងទៅវគ្គផ្ដាច់ព្រ័ត្រពានរង្វាន់ Coppa Italia ក្រោយពីយកឈ្នះលើក្រុម Inter Milan បានក្នុងលទ្ធផល ២-១ គិតទាំងពីរជើង។ក្នុងការប្រកួតជើងទី២នៅយប់មិញនេះ ក្រុម Napoli លេងស្មើក្រុម Inter Milan ក្នុងលទ្ធផល ១-១។ ដោយក្រុម Inter Milan ជាអ្នករកគ្រាប់បាល់បានមុន ដោយ Eriksen តាំងពីនាទីទី២។ តែនៅនាទី៤១ Mertens ក៏រកបានគ្រាប់បាល់តាមស្មើវិញ ធ្វើឱ្យការប្រកួតនេះបញ្ចប់ក្នុងលទ្ធផល ១-១។
ដោយសារជើងទី១កន្លងទៅ Napoli ឈ្នះក្នុងលទ្ធផល ១-០ ដូច្នេះទើបបានជាពួកគេជាក្រុមមានឱកាសទៅវគ្គផ្ដាច់ព្រ័ត្រ ព្រោះគិតទាំងពីរជើងទៅ Napoli ២-១ Inter Milan ។នៅវគ្គផ្ដាច់ព្រ័ត្រ ក្រុម Napoli នឹងត្រូវប៉ះក្រុម Juventus នៅថ្ងៃទី១៨ខែមិថុនាឆ្នាំ២០២០ខាងមុខនេះឯង៕
ប្រភព៖ DailyMail