ក្រុម Chelsea បានយកប្រាក់ដែលបានពីការឈ្នះពានរង្វាន់ Women Super League ទាំងអស់ទៅជួនអង្គការសប្បុរសធម៌ដែលជួយដល់ស្ត្រី និងកុមារ។
ក្រុមនារីរបស់ Chelsea បានក្លាយជាជើងឯកលីគនារីរបស់អង់គ្លេស ក្រោយពីរដូវកាលនេះសម្រេចដោយគិតពិន្ទុពីការប្រកួតស្មើគ្នា។ ប្រាក់រង្វាន់១សែនផោន ដែលទទួលបាននេះ គឺក្រុមតោខៀវ នឹងយកទៅជូនអង្គការសប្បុរសធម៌មួយ ដើម្បីជាការចូលរួមចំណែកគាំទ្រដល់ការជួយលើកស្ទួយស្ត្រី និងកុមារខ្វះខាត។
អ្នកស្រី Emma Hayes ដែលជាអ្នកចាត់ការក្រុមនារី Chelsea បាននិយាយថាការជួយនេះគឺចេញពីចិត្ត ពីបេះដូងរបស់ក្រុមនារីទាំងអស់។ វាជារឿងល្អមួយ ប្រសិនបើប្រាក់ដែលជួយទៅ អាចធ្វើឱ្យស្ត្រីនិងកុមារដែលកំពុងខ្វះខាត អាចមានភាពកក់ក្ដៅឡើងវិញ និងដឹងថាគ្រប់គ្នាសុទ្ធតែនៅយកចិត្តទុកដាក់លើពួកគេជានិច្ច៕ប្រភព៖ BBC
