Vinicius Junior បាននិយាយថាក្រុម Real Madrid ត្រូវការឈ្នះពានរង្វាន់ La Liga ដើម្បីលួងចិត្តអ្នកគាំទ្រវិញ អំឡុងពេល Covid-19 នេះ។
អេស្ប៉ាញបានប្រកាសថាលីគបាល់ទាត់អាចហ្វឹកហាត់និងលេងបានហើយចាប់ពីខែក្រោយនេះទៅ។ ដូច្នេះហើយ ទើបបានជាក្រុមទាំងអស់សម្រុកហ្វឹកហាត់ជាខ្លាំងមួយរយៈចុងក្រោយនេះ ដោយធ្វើយ៉ាងណាឱ្យកីឡាករប្រមូលកម្លាំងបានពេញលេញវិញ ក្នុងការប្រកួតដែលអាចចាប់ផ្ដើមនៅពាក់កណ្ដាលខែមិថុនាឆ្នាំ២០២០នេះ។
ជាមួយការហ្វឹកហាត់មិនឈប់ឈរនេះដែរ Vinicius Junior ខ្សែប្រយុទ្ធរបស់ក្រុម Real Madrid បាននិយាយថា៖ “ខ្ញុំបានមើលប្រកួតចាស់ៗមកវិញ ខ្ញុំមើលឃើញថា Real Madrid គឺល្អជាង Barcelona ។ យើងមានការប្រកួតល្អៗ រហូតមកដល់ពេលនេះ។ យើងពិតជាចង់ឱ្យលីគត្រលប់មកវិញណាស់ ដើម្បីឈ្នះការប្រកួត និងឈ្នះលីគអេស្ប៉ាញ។ យើងចង់ឈ្នះលីគនេះ ដើម្បីជួនអ្នកគាំទ្រយើង លើកទឹកចិត្តពួកគេអំឡុងពេល Covid-19 ”៕ប្រភព Goal
