ក្រុម Inter Milan បានមើលឃើញកីឡាករ Moise Kean របស់ក្រុម Everton មានសមត្ថភាពគ្រប់គ្រាន់ក្នុងការជំនួសតំណែងរបស់ខ្សែប្រយុទ្ធ Lautaro Martinez ដែលត្រៀមផ្លាស់ទៅ Barcelona ។
Lautaro Martinez ជាខ្សែប្រយុទ្ធមួយរូបដែលក្រុម FC Barcelona មើលឃើញ អាចជំនួសតំណែងកីឡាករ Suarez បាន។ ពួកគេរំពឹងថាអាចយកកីឡាករអាហ្សង់ទីននេះមករួមក្រុមបាន ដោយសារតែរូបគេក៏ជាមិត្តរួមក្រុមជាមួយ Messi នៅជម្រើសជាតិដែរ។ ការធ្លាប់លេងជាមួយគ្នានេះ ទើបបានជាថ្នាក់ដឹកនាំក្លឹបអ្នកមានបុណ្យគិតថាអាចនឹងងាយយល់ចិត្តគ្នាជាមួយ Messi មិនខាន។
ដោយសារតែក្រុម Barca ចង់បាន Martinez ខ្លាំងនេះហើយ ទើបបានជាលោក Conte ត្រូវតែស្វែងរកកីឡាករដើម្បីត្រៀមមកជំនួសឱ្យហើយ។ ក្នុងនោះ លោកមើលឃើញ Kean របស់ក្រុម Everton មុនគេ។ កីឡាករវ័យ២០ឆ្នាំនេះ រកបានតែ១គ្រាប់ប៉ុណ្ណោះក្នុងការប្រកួត២៦ប្រកួតកន្លងមក ចាប់តាំងពីផ្លាស់មកពីក្រុម Juventus រដូវកាលមុន។ រូបគេមានកុងត្រានៅសល់ដល់៤ឆ្នាំទៀតឯណោះជាមួយក្រុម Everton ។ សម្រាប់តម្លៃខ្លួនវិញ ប្រមាណជា២៥លានផោន៕ប្រភព Dailymail
