ក្របខណ្ឌ Premier League អាចនឹងឈប់ប្រើប្រាស់បច្ចេកវិទ្យា VAR ទៀតហើយនៅពេលការប្រកួតត្រលប់មកវិញ ដើម្បីសន្សំសំចៃប្រាក់ខ្លះ។
ការរីករាលដាលនៃមេរោគ Covid-19 ទូទាំងសកលលោកបានធ្វើឱ្យវិស័យបាល់ទាត់មិនថាតែនៅអង់គ្លេសនោះទេ រងផលប៉ះពាល់ខ្លាំងមែនទែន។ ក្របខណ្ឌ Premier Leaue ប្រសិនបើមិនអាចបញ្ចប់រដូវកាលបានទេ ពួកគេនឹងត្រូវខាតបង់រាប់រយលានផោនឯណោះ ជាមួយការលក់សិទ្ធិផ្សាយតាមទូរទស្សន៍ និងចំណូលពីការប្រកួតផ្សេងៗទៀត។
ការខាតបង់នេះហើយ ទើបបានជាថ្នាក់ដឹកនាំពានរង្វាន់នេះ កំពុងពិចារណានៅពេលបាល់ទាត់អាចលេងវិញបាន គឺពួកគេនឹងលែងប្រើប្រព័ន្ធ VAR ទៀត។ VAR នេះត្រូវចំណាយរាប់លាន ដើម្បីដាក់វាប្រើប្រាស់ ដូច្នេះប្រសិនបើលែងប្រើវា នោះអាចសន្សំសំចៃប្រាក់បានមួយចំនួន ដើម្បីទៅជួយក្រុមដែលជួបវិបត្តិហិរញ្ញវត្ថុបានមិនខាន៕ប្រភព Dailymail
