កន្លងទៅ Karim Benzema បានបោះពាក្យឌឺដងថាខ្លួនជាឡានប្រណាំងល្បឿនលឿន Formual One ខណៈ Olivier Giroud ត្រឹមជាកូនឡានប្រណាំងមួយតែប៉ុណ្ណោះ។
សង្រ្គាមពាក្យសម្តីហាក់មិនបញ្ចប់ ដោយ Giroud បានឆ្លើយមកវិញមុននេះថា៖ “មានគេនិយាយអ្នកមិនអាចប្រៀបធៀបឡានប្រណាំង Formula One ទៅឡានប្រណាំងកូនក្មេងបានទេ តែអ្វីដែលខ្ញុំអាចនិយាយជុំវិញរឿងនេះគឺខ្ញុំជាម្ចាស់ពានជើងឯកពិភពលោក [FIFA World Cup] អ៊ីចឹងមិនអាក្រក់ពេកទេសម្រាប់កូនឡានប្រណាំងមួយនេះ”។ ជាសម្តីដែលគេប្រាប់សារព័ត៌មាន BeFoot។
បញ្ជាក់ថា Giroud ក៏ជាចំណែកមួយដែលជួយឲ្យបារាំងឈ្នះពាន FIFA World Cup កាលពីឆ្នាំ ២០១៨ នៅទឹកដីរុស្ស៊ី ខណៈ Benzema លេងឲ្យមាន់គកបារាំងដែរ ប៉ុន្តែបានបញ្ចប់អាជីពនៅជម្រើសជាតិមុននោះជាច្រើនឆ្នាំមកហើយ និងមិនធ្លាប់ឈ្នះពានជាដុំកំភួនអ្វីជាមួយបារាំងឡើយ៕
ប្រភព៖ BeSoccer