ការប្រកួតលីគក្នុងប្រទេសបេឡារូសនៅបើកលេងធម្មតា ហើយវាបានក្លាយជាលីគតែមួយគត់នៅអឺរ៉ុបនៅបើកដំណើរការធម្មតា។
បើទោះជានៅអឺរ៉ុប មេរោគ Covid-19 កំពុងរីករាលដាលខ្លាំងយ៉ាងណាក៏ដោយ ប៉ុន្តែមិនអាចធ្វើឱ្យលីគបាល់ទាត់ប្រទេសបេឡារូសផ្អាកសិននោះទេ។ ពួកគេនៅតែបើកលេងធម្មតា ហើយអ្នកគាំទ្ររបស់ពួកគេក៏នៅតែចូលមើលផងដែរ។ វាបានក្លាយជាលីគបាល់ទាត់នៅអឺរ៉ុបតែមួយគត់ដែលបន្ដលេង ហើយបច្ចុប្បន្នគេកំពុងចាប់អារម្មណ៍តាមដានលីគមួយនេះខ្លាំង។
បេឡារូស ជាប្រទេសមួយមិនទទួលរងផលប៉ះពាល់ខ្លាំងដោយសារតែមេរោគ Covid-19 នោះទេ។ បច្ចុប្បន្ននេះក្នុងប្រទេសនេះ មានអ្នកឆ្លងមេរោគ Covid-19 មិនដល់១០០នាក់ឡើយ និងមិនមានករណីស្លាប់ឡើយ។ កត្តានេះហើយ បានជាប្រទេសនេះហាក់មិនសូវជាខ្លាចចំពោះមេរោគ Covid-19 ឡើយ៕ប្រភព Bbc
