កីឡាករ Ilkay Gundogan បានបញ្ជាក់ថាពានរង្វាន់ Premier League រដូវកាលនេះ គឺសក្ដិសមបានទៅលើក្រុម Liverpool ហើយ បើទោះជារដូវកាលមិនអាចបញ្ចប់បានក៏ដោយ។
ការប្រកួតបាល់ទាត់នៅអង់គ្លេសនឹងត្រូវលើកពេលរហូតដល់ថ្ងៃទី៣០ខែមេសាឆ្នាំ២០២០ ទើបអាចដំណើរការបានវិញ ឬក៏អាចនឹងត្រូវផ្អាកបន្ដទៀត អាស្រ័យលើស្ថានភាពជំងឺ Covid-19 ។ ជាមួយភាពស្រពិចស្រពិលនេះ បានធ្វើឱ្យក្រុម Liverpool បារម្ភខ្លាំង ព្រោះរដូវកាលនេះពួកគេនៅសល់តែ២ប្រកួតទៀតប៉ុណ្ណោះគឺអាចគ្រងជើងឯកបានទៅហើយ។
ជាមួយគ្នានេះដែរ Gundogan បាននិយាយដែរថាសម្រាប់ខ្លួនគេវិញ គឺយល់ស្របការផ្ដល់ពានទៅឱ្យក្រុម Liverpool ។ ពួកគេបានធ្វើល្អតាំងពីដើមរដូវកាលមក ហើយបើទោះជាត្រូវផ្អាក ប៉ុន្តែពានរង្វាន់នេះសមតែឱ្យទៅក្រុមហង្សក្រហមទៅ៕ប្រភព Bbc
