Nani បានបង្ហាញការយល់ឃើញនូវជម្រើស ៥ រូបល្អបំផុតក្នុងការប្រកួតបែប Five-a-side-team (មួយក្រុមមានគ្នា ៥ នាក់) និងនិយាយអំពីអតីតកាលជាមួយ Cristiano Ronaldo កាលនៅថ្នាលយុវជន។
ខ្សែប្រយុទ្ធស្លាបសញ្ជាតិព័រទុយហ្គាល់បានបង្ហោះវីដេអូមួយលើ Instagram ដោយទាំង ៥ នាក់នោះមានអ្នកចាំទី David de Gea, Paul Scoholes, Deco, Bruno Alves និង Ronaldo។
ជុំវិញរឿងរ៉ាវជាមួយ Ronaldo ដែលអ្នកទាំងពីរធ្លាប់ចាកចេញពី Sporting ផ្លាស់មក Man Utd ដូចគ្នា ត្រូវបាន Nani និយាយបែបលេងសើចថា៖ “Cristiano ជាមួយនឹងបច្ចេកទេសរបស់គេ ល្បឿនដ៏លឿនរបស់គេ គឺគេរៀនសូត្រពីខ្ញុំកាលនៅហ្វឹកហាត់ថ្នាលយុវជនទេតើ គឺខ្លួនគេដឹងច្បាស់ណាស់”។
រំឭកថា Nani បានចាកចេញពី Sporting ផ្លាស់មក Man Utd ក្រោយ Ronaldo រយៈពេល ៤ ឆ្នាំ ពោលគឺនៅឆ្នាំ ២០០៧ ខណៈដែល CR7 មកចូលរួមមុនតាំងពីឆ្នាំ ២០០៣ មកម្ល៉េះ ប៉ុន្តែអ្នកទាំងពីរក៏រាប់ចូលជាដៃគូប្រយុទ្ធដ៏ល្អមួយនៅជំនាន់គ្រូតា Sir Alex Ferguson ផងដែរ៕ ប្រភព៖ AF