Paolo Maldini អតីតវីរបុរសនៅជម្រើសជាតិអ៊ីតាលី និងកូនប្រុសរបស់លោក បានតេស្តរកឃើញថាមានឆ្លងវីរុសកូរ៉ូណាកាលពីពេលថ្មីៗនេះ ហើយតាមការអះអាងលើបណ្តាញសង្គមលោកបានចេញសារថ្លែងអំណរគុណដល់គ្រប់គ្នាដែលបានបារម្ភ និងប្រាប់ពីថេរវេលាដែលខ្លួនរំពឹងថាអាចជាសះស្បើយពីវីរុសដ៏រសើបទូទាំងសកលលោកមួយនេះ។
តាមរយៈវីដេអូនៅលើ Instagram លោក Maldini និយាយ៖ “តាមរយៈវីដេអូនេះខ្ញុំចង់អរគុណដល់មនុស្សរាល់គ្នាដែលបានបង្ហាញក្តីស្រលាញ់និងព្រួយបារម្ភពីសុខភាពរបស់ខ្ញុំ និងកូនប្រុសខ្ញុំ ដោយពួកយើងមិនអីទេ ដោយយើងអាចនឹងជាសះស្បើយពីវីរុសនេះក្នុងរយៈពេលមួយសប្តាហ៍”។
លោកបន្ថែម៖ “ខ្ញុំក៏ចង់អរគុណដល់ក្រុមគ្រូពេទ្យ និងបុគ្គលិកផ្នែកសុខាភិបាលទាំងអស់ ដែលកំពុងប្រឈមនឹងស្ថានភាពដ៏បន្ទាន់នេះ ហើយអ្នកពិតជាបានធ្វើឲ្យយើងមានមានមោនភាពនាមជាជនជាតិអ៊ីតាលី សូមអរគុណម្តងទៀត”។
View this post on Instagram
រំឭកដែរថា Maldini គឺជានាយកជាន់ខ្ពស់មួយរូបនៅក្លឹប AC Milan ខណៈកូនប្រុសវ័យ ១៨ ឆ្នាំគឺកីឡាករ Daniel បច្ចុប្បន្នជាកីឡាករក្នុងក្លឹបនោះផ្ទាល់៕
ប្រភព៖ Sportskeeda