ក្រុម Valencia កាលពីម្សិលមិញ បានបញ្ជាក់ថាកីឡាកររបស់ខ្លួនដល់ទៅ៥នាក់បានរកឃើញថាមានផ្ទុកមេរោគ Covid-19 ទៅហើយ ក្រោយពីពួកគេបានធ្វើតេស្ដរួចរាល់។
ខណៈដែលមកដល់ថ្ងៃនេះវិញ ក្លឹបបាល់ទាត់នៅអេស្ប៉ាញមួយនេះ បានចេញលិខិតជាថ្មីម្ដងទៀត ដោយមិនបានបញ្ជាក់ចំនួនអ្នកឆ្លងឱ្យច្បាស់នោះទេ។ ពួកគេបានបញ្ជាក់ត្រឹមថា៣៥%នៃចំនួនបុគ្គលិកក្លឹប និងកីឡាករក្នុងក្លឹបបានឆ្លងមេរោគ Covid-19 នេះទៅហើយ។ ពួកគេមិនបានដឹងច្បាស់ប្រភពនៃការចម្លងមេរោគដល់កីឡាករចេញពីទីណានោះទេ។
អ្វីដែលដឹងច្បាស់គឺពួកគេកាលពីថ្ងៃទី១៩ខែកុម្ភៈកន្លងទៅ បានធ្វើដំណើរទៅប្រកួតបាល់ទាត់នៅក្រុង Milan ប្រទេសអ៊ីតាលី។ ដោយការប្រកួតនេះហើយ ដែលក្លឹបសង្ស័យថាអាចជាប្រភពនៃការចម្លងមេរោគដល់កីឡាករខ្លួន៕ប្រភព៖ Marca