កីឡាកររបស់ក្រុម Valencia រហូតដល់៥នាក់ត្រូវបានគេរកឃើញវិជ្ជមានមេរោគឆ្លង Covid-19 ក្រោយពីពួកគេមានអាការៈមិនស្រួលខ្លួន។
ដំបូងឡើយកីឡាករ Ezequiel Garay ជាករណីដំបូងគេក្នុងក្របខណ្ឌ La Liga ដែលតេស្ដឃើញមេរោគ Covid-19 ។ តែប៉ុន្មានម៉ោងក្រោយមក ក្រុម Valencia បាននាំកីឡាកររបស់ខ្លួនទាំងអស់ធ្វើតេស្ដរកមេរោគដែរ ហើយចុងក្រោយ បានបង្ហាញថាសមាជិក៤នាក់ទៀតក៏មានផ្ទុកមេរោគនេះដូចគ្នា។ ដោយនេះ ជាករណីដំបូងបំផុតដែលកីឡាករក្នុងក្របខណ្ឌកំពូលអេស្ប៉ាញឆ្លងរោគ។
រំលឹកថាអេស្ប៉ាញបានប្រកាសបិទក្រុង៤រូចជាស្រេចហើយ ដើម្បីការពារមេរោគ Covid-19 ដែលកំពុងផ្ទុះក្នុងប្រទេសនេះ។ នៅថ្ងៃចន្ទនេះ ការសម្រេចបិទប្រទេសដូចអ៊ីតាលី អាចនឹងធ្វើឡើងប្រសិនបើការឆ្លងកាន់តែខ្លាំងឡើង៕ប្រភព៖ Dailymail
