ក្រុម Liverpool បានបរាជ័យក្រោមថ្វីជើងក្រុម Chelsea ក្នុងពានរង្វាន់ FA Cup កាលពីយប់មិញនេះ នាលទ្ធផល ២-០ ធ្វើឱ្យឱកាសចង់បានពាន៣ក្នុងរដូវកាលបានចប់ទៅហើយ។
ក្រុម Liverpool ទើបតែបរាជ័យក្រោមថ្វីជើងក្រុម Watford ក្នុងលទ្ធផល ៣-០ កន្លងទៅ ពានរង្វាន់លីគកំពូលអង់គ្លេស។ ក្រោយមកទៀត នៅយប់មិញ ពួកគេបានបន្ដចាញ់ទៀត ដោយចាញ់ក្រុម Chelsea វិញម្ដង ក្នុងពាន FA Cup ក្នុងលទ្ធផល ២-០ ទៀត។ ដូច្នេះមានន័យថា២ប្រកួតមកនេះ ពួកគេចាញ់ទាំង២ ហើយមិនអាចទម្លាយសំណាញ់ទីដៃគូបានទៀត។
ត្បិតតែយ៉ាងនេះមែន លោក Klopp ហាក់ដូចជាមិនបារម្ភអ្វីនោះទេ។ លោក បាននិយាយថា៖ “លេងទល់ Watford ពិតជាអាក្រក់ ប៉ុន្តែសម្រាប់យប់នេះវិញ មិនអាក្រក់ខ្លាំងទេ។ ខ្ញុំមិនដែលបារម្ភចំពោះទម្រង់លេងរបស់កូនក្រុមខ្ញុំឡើយ យើងតែងតែដឹងច្បាស់ថាយើងអាចត្រលប់មករកភាពល្អប្រសើរវិញ។ ខ្ញុំមិនយកចិត្តទុកដាក់តែរឿងចាញ់នោះទេ វាជាបាល់ទាត់ មានឈ្នះ មានចាញ់”៕ប្រភព៖ Dailymail
