ខ្សែប្រយុទ្ធ Son Heung-min បានសម្រេចចិត្តទៅព្យាបាលរបួសបាក់ដៃរបស់ខ្លួននៅស្រុកកំណើតប្រទេសកូរ៉េខាងត្បូង ស្របពេលកំពុងផ្ទុះមេរោគ Corona នៅទីនោះ។
Son បានរងរបួសបាក់ដៃ តម្រូវឱ្យរូបគេសម្រាកអាចរហូតដល់ចប់រដូវកាលនេះ។ បច្ចុប្បន្នខ្សែប្រយុទ្ធរូបស្រស់ម្នាក់នេះ កំពុងស្ថិតនៅកូរ៉េខាងត្បូង ដើម្បីព្យាបាលរបួស។ កន្លែងដែលកីឡាករ Spurs រូបនេះ ស្នាក់នៅគឺស្ថិតនៅចម្ងាយជាង២០០គីឡូម៉ែត្រ ពីកន្លែងដែលផ្ទុះមេរោគ Corona នៅកូរ៉េខាងត្បូង។ ក្រុម Spurs មានចំណុកចិត្តថាកីឡាកររបស់ខ្លួន នឹងមានសុវត្ថិភាព ហើយមិនឆ្លងជំងឺ Corona ឡើយ។
រំលឹកថានៅប្រទេសកូរ៉េខាងត្បូង មានអ្នកឆ្លងមេរោគជាង១ពាន់នាក់ហើយ ខណៈដែលមនុស្សជាង១០នាក់ទៀតបានស្លាប់ដោយសារមេរោគនេះ។ ការឆ្លងបានយ៉ាងរហ័សនេះ គឺក្រោយពីមានស្ត្រីម្នាក់ផ្ទុកមេរោគ ហើយបានចូលវិហារសាសនាមួយ ទើបបណ្ដាលឱ្យឆ្លងពីម្នាក់ទៅម្នាក់ទៀត៕ប្រភព៖ Dailymail
