លោក Gattuso អ្នកចាត់ការក្រុម Napoli បានបញ្ជាក់ថាក្រុម Barcelona យប់មិញ មិនបានធ្វើឱ្យក្រុមរបស់លោកពិបាកនោះទេ ត្បិតអីពួកគេសម្រុកច្រើន ប៉ុន្តែគ្មានលទ្ធផលឡើយ។
ក្រុម Napoli ស្មើជាមួយក្រុម Barcelona ១-១ ក្នុងការប្រកួតជើងទី១ពានរង្វាន់ UEFA Champions League វគ្គ១៦ក្រុមចុងក្រោយ។ ក្រុមម្ចាស់ផ្ទះ Napoli រកគ្រាប់បាល់នាំមុខបានមុន ដោយ Mertens នៅនាទី៣០ ដោយការទាត់បាល់កោងយ៉ាងស្អាត។ តែចូលដល់តង់ទី២វិញ Griezmann រកបានគ្រាប់បាល់តាមស្មើវិញ នៅនាទី៥៧។