ប្រធានក្លឹប Inter Miami លោក David Beckham ត្រូវបានគេរាយការណ៍ថាកំពុងចាប់អារម្មណ៍លើខ្សែប្រយុទ្ធ Sergio Aguero ជាខ្លាំង ហើយថែមទាំងចង់យករូបគេឲ្យទៅចូលរួមនៅក្លឹបក្នុងទឹកដីសហរដ្ឋអាមេរិកទៀតផង។ នេះបើតាម The Sun បានចុះផ្សាយ។
កីឡាករវ័យ ៣១ ឆ្នាំត្រូវផុតកុងត្រានៅ Etihad នាឆ្នាំ ២០២១ ដោយកន្លងទៅរូបគេរកបាន ២ គ្រាប់ម្នាក់ឯងនៅប្រកួតស្មើ ២-២ រវាង Crystala Palace រុញឲ្យគ្រាប់បាល់សរុបនៅ Premier League មានចំនួន ១៧៧ គ្រាប់ហើយ រាប់ជាកីឡាករបរទេសក្រៅសញ្ជាតិអង់គ្លេសស៊ុតបានច្រើនបំផុត។
Inter Miami នឹងចាប់ផ្តើមរដូវកាលរបស់ខ្លួនជាលើកដំបូងនាថ្ងៃទី ១ មិនាខាងមុខទល់ក្លឹប Los Angeles Football Club។ ទន្ទឹមដែលរឿងរ៉ាវបន្តកុងត្រារបស់ Aguero មិនទាន់ចេញផ្លែផ្កាដែរនោះ Beckham ក៏កំពុងដុតដៃដុតជើងខ្លាំងតាមបញ្ចុះបញ្ចូលកីឡាករអាហ្សង់ទីនរូបនេះយ៉ាងតក់ក្រហល់បំផុត៕ ប្រភព៖ AF