ក្រុម FC Barcelona លេងចាញ់ក្រុម Levante ៣-១ ក្នុងការប្រកួតពានរង្វាន់ La Liga កាលពីយប់មិញនេះ។វាជារឿងមិនគួរឱ្យជឿមួយដែលក្រុម Barcelona នាំមុខក្រុម Levante ទៅហើយ ប៉ុន្តែបែរជាត្រូវម្ចាស់ផ្ទះនេះ វាយបកតាមស្មើវិញបាន និងបន្ដថែម២គ្រាប់ទៀត យក៣ពិន្ទុតែម្ដង។ បើទោះជាយ៉ាងនេះក្ដី បរាជ័យនេះមិនធ្វើឱ្យក្រុមអ្នកមានបុណ្យរបូតតំណែងកំពូលតារាងនោះទេ ព្រោះថាដៃគូប្រជែង Real Madrid ឯណោះ ក៏លេងបានត្រឹមស្មើក្រុម Real Betis ដែរ។
លោក Valverde អ្នកចាត់ការក្រុម Barcelona បាននិយាយក្រោយចប់ការប្រកួតថា៖ “ខ្ញុំមិនបានគិតដល់រឿងលាឈប់ឡើយ។ វាគ្រាន់តែជាបរាជ័យ១ប៉ុណ្ណោះ។ កីឡាករទាំងអស់ក៏ព្រមទទួលវា ហើយយើងនឹងបន្ដដំណើរទៅមុខទៀត។ យើងត្រូវទទួលបរាជ័យ វាជាកីឡាបាល់ទាត់”៕
ប្រភព៖ Marca
