ខ្សែប្រយុទ្ធ Lionel Messi បានបញ្ជាក់ថាខ្លួនមិនបង្ហោះអួតអ្វីដែលធ្លាប់ឈ្នះកន្លងមកនោះទេ ដោយចង់ឱ្យអ្នកគាំទ្របានឃើញនិងតាមដានដោយខ្លួនឯងវិញ។
មានគេដាក់សំនួរថាអ្វីដែល Messi មិនដែលនិយាយពីអ្វីដែលខ្លួនធ្លាប់ឈ្នះ ឬអួតទៅកាន់ពិភពលោកដូច Cristiano Ronaldo និង Zlatan ធ្លាប់ធ្វើទៅ? សាមីខ្លួនបានបញ្ជាក់ថាអួតឬមិនអួតមិនមែនជារឿងសំខាន់ឡើយ។ អ្វីដែលសំខាន់ព្រោះ លោកដឹងថាខ្លួនឯងល្អកម្រិតណាហើយ។
ប្រាប់ទៅ Marca កន្លងទៅនេះ ប្រធានក្រុម Barcelona បានបញ្ជាក់ថា៖ “ខ្ញុំចង់ឱ្យប្រជាជននិយាយពីខ្ញុំ។ ខ្ញុំដឹងអ្វីជាខ្ញុំ អ្វីដែលខ្ញុំបានធ្វើ និងអ្វីដែលខ្ញុំសម្រេចបាន។ ប៉ុន្តែខ្ញុំទុកវាក្នុងចិត្តរបស់ខ្ញុំ។ អ្នកអាចនិយាយពីអ្វីដែលអ្នកចង់បាន ខ្ញុំមិនចូលចិត្តនិយាយពីខ្លួនឯងទេ”៕ប្រភព៖ Dailymail