• Klopp ​មិន​ខឹង​កូន​ក្រុម ដែល​ធ្វើ​ឱ្យ​ធ្លាយ​៣​គ្រាប់​ទេ​

    ក្រុម Liverpool ​យក​ឈ្នះ​លើ​ក្រុម Salzburg ​បាន​ក្នុង​លទ្ធផល ៤-៣ ​កាល​ពី​យប់មិញ ​ប៉ុន្តែ​វា​មិន​ធ្វើ​ឱ្យ​លោក Klopp ​អ្នក​ចាត់ការ​ក្រុម​សប្បាយ​ចិត្ត​ជាមួយ​ទម្រង់​លេង​កូន​ក្រុម​ឡើយ។

    ក្នុង​ការ​ប្រកួត​នេះ​ហង្ស​ក្រហម​នាំ​មុខ​បាន​មុន​៣​គ្រាប់ ប៉ុន្តែ​បែរ​ជា​ភ្លាត់​ត្រូវ​ក្រុម Salzburg ​វាយ​បក​បន្ដ​បន្ទាប់​រហូត​បាន​គ្រាប់​បាល់​៣​គ្រាប់​មក​វិញ​តាម​ស្មើ។ ​ជា​សំណាង​ដែរ ដែល Salah ​អាច​រក​បាន​១​គ្រាប់​ទៀត ដែល​ជា​គ្រាប់​បាល់​ជ័យជម្នះ​តែ​ម្ដង សម្រាប់​ការ​ប្រកួត​ទី​២​ក្នុង​ពាន​រង្វាន់ UEFA Champions League ​នេះ​។

    ទម្រង់​នៅ​យប់មិញ ​ធ្វើ​ឱ្យ​លោក Klopp ​មិន​ពេញ​ចិត្ត​ឡើយ។ ​ក្រោយ​ចប់​ការ​ប្រកួត អ្នក​ចាត់ការ​សញ្ជាតិ​អាល្លឺម៉ង់​បាន​និយាយ​ថា​៖ “ខ្ញុំ​មិន​ខឹង​កីឡាករ​យើង​ទេ ប៉ុន្តែ​យើង​បាន​បាត់​ការ​គ្រប់គ្រង​បាល់។ យើង​លេង​ល្អ ប៉ុន្តែ​បែរ​ជា​មិន​អាច​លេង​ឱ្យ​ត្រូវ​ផ្លូវ ​ដែល​ធ្វើ​ឱ្យ​មិន​អាច​គ្រប់គ្រង​ការ​ប្រកួត​មួយ​នេះ​បាន។ កំហុស​របស់​យើង​គឺ​យើង​នាំ​មុខ​គេ​៣​គ្រាប់​ហើយ តែ​បែរ​ជា​បើក​ទ្វា​ឱ្យ Salzburg ​រក​គ្រាប់​បាល់​តាម​បាន​វិញ”៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT