Rio Ferdinand មើលឃើញថាខ្សែបម្រើប្រយុទ្ធ Eden Hazard ហាក់ដូចជាមិនសប្បាយចិត្ត ក្នុងការលេងឱ្យក្រុម Real Madrid ឡើយ ក្នុងការប្រកួតទល់ PSG យប់មិញ។
Hazard បានជាប់ជម្រើស១១នាក់ដំបូងក្នុងការប្រកួតយប់មិញ ប៉ុន្តែមិនអាចបង្ហាញអ្វីគួរឱ្យចាប់អារម្មណ៍ឡើយ។ ការមិនអាចជួយក្រុមបាន ហើយត្រូវដៃគូ PSG ស៊ីបាន៣គ្រាប់ទៅទៀត ធ្វើឱ្យសម្ពាធចាប់ផ្ដើមកើតមានឡើងសម្រាប់វត្តមានរបស់កីឡាករឆ្នើមបែលហ្សិកនេះហើយ។
Rio អតីតខ្សែការពារ Man Utd និងបច្ចុប្បន្នជាអ្នកវិភាគបាល់ទាត់ម្នាក់នោះ បានបង្ហាញអារម្មណ៍ថា៖ “ពេលអ្នកទៅក្លឹបថ្មី ជាពិសេសក្លឹបធំដូចជា Real Madrid អ្នកត្រូវតែរកឱកាសបង្ហាញពីភាពខ្លាំងរបស់ខ្លួន ឱ្យអ្នកគាំទ្របានឃើញ។ Hazard ត្រូវតែមានអ្វីពិសេសសម្រាប់បង្ហាញអ្នកគាំទ្រ។ ខ្ញុំកំពុងខ្លាច គាត់ធ្វើខុសពេលវេលាហើយ។ គាត់ហាក់ដូចជាមិនសប្បាយចិត្តឡើយសម្រាប់ប្រកួតយប់មិញ”៕ប្រភព៖ Dailymail