ខ្សែប្រយុទ្ធ Sanchez របស់ក្រុម Manchester United ត្រូវក្រុម Inter Milan ខ្ចីជើងបានហើយ ដោយការខ្ចីជើងនេះមានរយៈពេល១រដូវកាល។
ក្រុមនៅអ៊ីតាលីនឹងចំណាយតែ៤,៥លានផោនប៉ុណ្ណោះ ចំពោះប្រាក់ឈ្នួលរបស់ Sanchez សរុប២១លានផោន។ សាមីខ្លួននិងក្លឹប Man Utd ត្រូវបានគេដឹងថាបានយល់ព្រមដើម្បីឱ្យការផ្ទេរខ្ចីជើងនេះលេចចេញជារូបរាងហើយ ព្រោះពួកគេក៏លែងត្រូវការខ្សែប្រយុទ្ធឈីលីនេះទៀតដែរ។ Sanchez ផ្លាស់មកលេងនៅ Man Utd កាលពីខែមករាឆ្នាំ២០១៨ ដោយទទួលបានតម្លៃខ្លួនជាង៥សែនផោនក្នុង១សប្ដាហ៍ឯណោះ។ តែរូបគេធ្វើមិនបានល្អឡើយសម្រាប់ការលេងនៅ Old Trafford នេះ។
បង្ហាញខ្លួនបាន៤៥ប្រកួត រកគ្រាប់បាល់បានតែ៥គ្រាប់ទេ។ លោក Ole ក៏ចង់ទុករូបគេបន្ដទៀតដែរ ប៉ុន្តែដោយសារតែកីឡាករក្មេងៗ បានវ៉ាដាច់ជម្រើស១១នាក់ដំបូងរបស់គេទៅហើយ ដូច្នេះមានតែបញ្ចេញទៅក្លឹបផ្សេងខ្ចីជើងប៉ុណ្ណោះ៕ប្រភព៖ Dailymail
