ទាំងទីផ្សារដោះដូរហាក់កំពុងមមាញឹកនិងកៀកដល់ពេលវេលាបញ្ចប់ ក្លឹប Barcelona ក៏ត្រូវបានគេជឿជាក់ថានឹងនៅតែរៀបចំការវ៉ៃចេញកីឡាករ ៣ រូបឲ្យបាននៅខែសីហានេះ។
កន្លងទៅលោក Josep Maria Bartomeu បាននិយាយយ៉ាងដូច្នោះថា៖ “ក្លឹបក៏នៅតែមានការអភិវឌ្ឍកែប្រែខ្លះមុនទីផ្សារដោះដូរត្រូវបានបិទទ្វារ”។ ឃ្លានេះធ្វើឲ្យសារព័ត៌មាន Sport បានព្យាករណ៍ដល់អនាគតរបស់កីឡាករ ៣ រូបមាន Coutinho, Rakitic និង Rafinha។
សម្រាប់អនាគតរបស់ Philippe Coutinho អាចនឹងត្រូវដាក់ឲ្យខ្ចីជើងទៅកាន់ក្លឹបណាមួយ ដែលអាចជា PSG ខណៈ Ivan Rakitic បុរសសញ្ជាតិក្រូអាតរូបនេះក៏ទំនងជាត្រូវផ្លាស់ទៅចូលរួមនៅ Inter Milan ប្រសិនការចរចាអាចសម្រេចទៅបាន។
ចំណែក Rafinha ពុំបានស្ថិតក្នុងក្រសែភ្នែករបស់លោក Ernesto Valverde តទៅទៀតទេ ហើយទ្រនំថ្មីរបស់គេក៏មានក្លឹប Valencia ដែលកំពុងចូលចែចូវខ្សែបម្រើសញ្ជាតិប្រេស៊ីលឲ្យទៅចូលរួមនៅរដូវកាលក្រោយ។ ប្រភព៖ AF
