ក្រុមបិសាចក្រហម Manchester United នឹងត្រូវតតាំងជាមួយក្រុម Spurs នៅរាត្រីនេះហើយ ក្នុងការប្រកួតលីគកំពូលអង់គ្លេស English Premier League ។Ole Gunnar Solskjaer ដែលជាអ្នកចាត់ការបណ្ដោះអាសន្នរបស់ក្រុម Man Utd បាននិយាយមុនការប្រកួតនៅយប់នេះថា លោកចង់ឱ្យកីឡាករទាំងអស់ផ្ដោតអារម្មណ៍ខ្លាំងលើការប្រកួតដ៏សំខាន់នេះ។ ត្បិតតែលោកដឹកនាំក្រុមឈ្នះបាន៥ប្រកួតជាប់គ្នាមែន ប៉ុន្តែការប៉ះក្រុម Spurs នេះ គឺជាការប្រកួតវាស់ស្ទង់សមត្ថភាពរបស់លោកយ៉ាងពិតប្រាកដ។ ប្រសិនបើលោក ទទួលបានលទ្ធផលល្អ នោះឱកាសនៃការបានតំណែងអ្នកចាត់ការក្រុមផ្លូវការក៏នឹងអាចកើតមានផងដែរ។
ក្រុមបិសាចក្រហម ប្រសិនណាបើអាចយកឈ្នះការប្រកួតនេះបាន នោះពួកគេនឹងមានឱកាសច្រើនមែនទែន ក្នុងការឡើងទៅតំបន់ Top 4 វិញ ដោយសារតែក្រុម Arsenal យប់មិញ បានបរាជ័យក្រោមថ្វីជើងរបស់ West Ham ទៅហើយ៕
ប្រភព៖ DailyMail