ក្លឹបនៅអ៊ីតាលីដូចជា AC Milan និង Napoli នៅតែរក្សាចិត្តចង់បាន Lionel Messi មករួមក្រុមដដែល បើទោះជាត្រូវបរាជ័យក្នុងការតវ៉ាជាច្រើនលើកមកហើយក៏ដោយ។
Messi នៅសល់កុងត្រាជាមួយក្រុម FC Barcelona រហូតដល់ឆ្នាំ២០២១ ខាងមុខនេះ។ ដោយឡែក ប៉ុន្មានថ្ងៃមុន Cristiano Ronaldo បាននិយាយថារូបគេចង់ឃើញ Messi មកលេងនៅអ៊ីតាលីតាមខ្លួនដែរ ដើម្បីឱ្យមានការប្រកួតប្រជែងថ្មី ជាជាងការលេងតែ១ក្លឹបរហូតមក។ ជាមួយគ្នានេះ ប៉ុន្មានឆ្នាំចុងក្រោយ មានក្លឹបមិនតិចទេ ដែលបានចរចាជាមួយសាមីខ្លួន ដើម្បីនាំខ្សែប្រយុទ្ធកំពូលម្នាក់នេះមករួចមក្រុម។
ជាក់ស្ដែង ក្លឹប Napoli និង AC Milan ក៏ស្ថិតនៅក្នុងចំណោមក្លឹបដែលចង់បាននោះដែរ។ Napoli បានបញ្ជូនភ្នាក់ងារទៅចរចាជាមួយក្រុម Barcelona ជាច្រើនដងមកហើយកាលពីរដូវក្ដៅខាងមុខនេះ ប៉ុន្តែមិនអាចនាំយកកីឡាករអាហ្សង់ទីនរូបនេះមកបាន ព្រោះក្រុមអ្នកមានបុណ្យតែងតែព្យាយាមបន្ដកុងត្រា អមជាមួយការតំឡើងប្រាក់ឈ្នួលយ៉ាងច្រើនមែនទែន។
បើទោះជាការផ្ទេរ នៅតែមិនបានមែន ប៉ុន្តែក្រុមនៅអ៊ីតាលីខាងលើនៅតែរក្សាចិត្តចង់បាន កីឡាករវ័យ៣១ឆ្នាំនេះដដែល ហើយរំពឹងថាប៉ុន្មានឆ្នាំខាងមុខទៀត រូបគេនឹងសម្រេចចិត្តជាថ្មី ដើម្បីទទួលបានការប្រកួតប្រជែងក្រៅពីលីគ La Liga របស់អេស្ប៉ាញ៕ប្រភព៖ foxsportsasia